Prestasi Yess ! Jujur Harus !

Hanjakal nempatkeun tanda bacana teu merenah. | sundaonline.com

Eta spanduk teh ngajeblag basa sundaonline.com nempo acara samen di SD Negeri Ciluncat I Kacamatan Cangkuang Kabupaten Bandung, (18/6). Tangtu wae alus kasebutna masang spanduk samodel kitu mah, da sidik eusina bisa ngahudang sumanget hirup anu bener. Da puguh salah seug urang ngudag prestasi bari ngahalalkeun sagala cara. Sanajan hal sarupa kitu geus kaasup lumrah, atawa jamanna, tapi da lain kalumrahan anu bener ari ngarempak aturan agama jeung nagara mah. Matakna, sakali deui, alus eta spanduk teh.

Hanjakalna, tanda baca dina eta kalimah kurang merenah. Kuduna mah apan sanggeus kecap yessjeung harus teh ulah make sapasi. Langsung we yess!, atawa harus!

Naha bet ulah make sapasi? “Hih, apan sidik tanda seru (!) teh tanda baca. Sarua jeung titik (.), atawa koma (,). Geura pek tulis kalimah anu ditungtungan ku titik, pasti eta titik ngahiji jeung kecap pangahirna dina eta kalimah,” cek Herman Wibowo, M.Th, basa pareng ngawangkong jeung sundaonline.com sawatara waktu ka tukang.

Pa Herman oge tadina mah teu apal. Ku sabab kitu, lamun nulis tanda seru atawa tanda tanya teh sok make sapasi. Apal-apalna teh waktu anjeunna nyusun skripsi anu dipariksa ku dosenna anu ti Amerika. “Tong make sapasi ari nulis tanda seru atawa tanda baca teh,” Pa Herman nirukeun omongan dosenna. [] Endang GG