Naha Teu Make Kacamata Pelindung?

Mantuan caroge, Ibu Dian teu dikacamata pelindung. | sundaonline.com

Di urang mah masih loba jalma anu sok ngamomorekeun kana kasalametan teh. Salasahijina kasalametan dina hal pagawean. Kawas tukang las. Ari keur ngalas teh sok poho make kacamata pelindung. Remen pohona teh, da geus ngabaju jadi kabiasaan tea. Padahal alat-alat pelindung-na mah aya.

“Tapi ayeuna mah abdi teu hilap,” cek Dian (25), tukang las di Cijalupang, Kacamatan Cangkuang Kabupaten Bandung anu muka usaha sorangan dina widang las.

Da jeung enyana, basa keur ngalas teh manehna make kacamata pelindung. Tapi, manehna poho, ari pamajikanana anu dititah mantuan henteu di-kacamata pelindung. Padahal seug kapetelan ku seuneu mah lain lumayan.

“Kapungkur, panon abdi kantos kapetelan kembang api waktos  ngelas teh,” saur Pa Ajang Sumarna (60), warga Jalan Bojongloa Bandung. “Aya sasihna udurna oge. Untungna teh henteu dugi ka lolong,” saurna deui. [] Endang GG