Runtah Ngagantung Maneh dina Tatangkalan?

Kalakuan warga: ngagantungkeun runtah dina tatangkalan.| sundaonline.com

Duka kalakuan saha. Anu pasti, eta kantong-kantong keresek anu ngagantung dina tatangkalan teh lain buah anu leubeut, tapi eusina teh runtah. Enya limbah rumah tangga tea. Padahal tiap imah di Sanggar Indah Banjaran Kabupaten Bandung teh disadiaan wadah runtah. Ngan duka kunaon aya warga anu resep ngagantungkeun runtah kana tatangkalan.

Ieu oge runtah nu ngagantung dina tatangkalan teh.| sundaonline.com

Loba warga anu kalakuanana kitu teh. Di hiji blok wungkul oge aya sababaraha tangkal anu "dihias" ku kantong keresek anu eusina runtah. Kawas anu kapanggih ku sundaonline.com, Senen isuk-isuk, 24 Nopember 2014. Dina tangkal jambu aer aya runtah nu ngagantung. Dina tangkal sirsak aya runtah nu ngagantung. Dina tangkal sejenna oge aya runtah nu ngagantung. Nya pasti aya anu ngagantungkeunana, da piraku eta runtah ngagantung maneh dina tatangkalan.

Tandaning naon atuh saenyana eta teh? Teu apal kana wadah runtah kitu? [] Endang GG