Jalan Koral, Urang Sirnasari Sukuran

Jalan di Cijambe Pakidulan Cianjur. | sundaonline.com

Ti Bandung ka Cianjur via Ciwidey teh matak resep ku pamandanganana. Hanjakalna teh jalan di Cipelah, utamana di Cisabuk masih tarahal. Tamat nyorang Cipelah mah jalan teh mulus. Ti Gelaranyar nepi ka Pagelaran mulus, ka Tanggeung oge mulus. Ngan ti Cigadog ka Desa Sirnasari Kacamatan Leles Kabupaten Cianjur jalanna teu mulus kabeh. Malah jalan renjul teh karasa pisan panjangna. Angot jalan di Cijambe mah, teu sirikna wahangan saat.

Kitu nu kasorang ku kopean.combasa ngalanto ka Pakidulan Cianjur ngaliwatan jalan Cipelah, Jumaah, 26-28 Desember 2014.

Kakara 300 meter jalan nu diaspal di Desa Sirnasari Kacamatan Leles Kabupaten Cianjur. 
| sundaonline.com

Jalan ti Cukanggaleuh ka Desa Sirnasari memang geus diomean. Tapi lain dibeton atawa diaspal. Jalan anu tadina tarahal, renjul, tur ngabeleksek upama usum hujan teh ayeuna geus diratakeun diawuran koral. Aya nu geus diaspal, nya eta jalan Desa Sirnasari anu panjangna 300 meter. 

Sanajan kakara semet kitu, warga Desa Sirnasari mah kalintang sukuranana ka Gusti Nu Maha Agung. Bukti rasa sukurna kaciri tina caritaanana urang Sirnasari anu nyebutkeun yen jalan ti Cukanggaleuh ka Sirnasari teh ayeuna mah ngageleser. Padahal, numutkeun kopean.commah, nu ngageleser teh jalan Desa Sirnasari anu geus diaspal, ti Cukanggaleuh ka Sirnasari mah teu singna ngageleserna. Nu puguh mah gugurudugan, da sidik kandaraan teh ngaliwatan jalan koral. “Tapi, dibandingkeun sareng samemehna dikoral mah, nya raoseun ayeuna atuh,” saur Bapa Kurnia Sudrajat, S.Pd keukeuh reueus ku ayana perbaikan jalan anu tacan ideal teh. [] Endang GG