Beuki Loba Jalma nu Ngamomorekeun Kasehatan

Nu miluan Senam Perkasa Indonesia (SPI) di Kabupaten
Bandung nyaeutikan, dumeh keur usum proyek mayet
jeung mungkusan snack. | sundaonline.com

Saban jalma hayang sehat, tapi henteu saban jalma daek bajuang sangkan sehat salilana. Buktina katingali pisan dina Komunitas Senam Perkasa Indonesia (SPI) di Kabupaten Bandung. “Tina jumlah peserta tujuh puluhan teh anu aktifna kantun tujuhan,” cek Ibu Umayah, koordinator di eta komunitas.

Padahal SPI teh pohara gede mangpaatna pikeun kasehatan mah. Lian ti alus pikeun ngajaga kasehatan, oge bisa ngubaran rupa-rupa panyakit kayaning asma, jantung koroner, prostat, nyeri angen, jeung nu lianna. Ngalaksanakeunana oge henteu nyontang waktu anu loba, cukup 45 menit , saminggu dua kali. “Di dieu mah tiap dinten Salasa sareng Jumaah, tabuh dalapan enjing-enjing,” cek Ibu Umayah. “Jabaning mayarna oge saiklasna,” pokna deui.

Naha bet lus-les pesertana? Saurna mah bawaning ku sibuk. Nu miluan SPI di dinya teh umumna ibu-ibu. Ari ayeuna keur usum proyek, nya eta mayet kurudung jeung mungkusan snack. Jadi demi uang mereka tinggalkan senam. Padahal, cek Ibu Umayah, sakumaha sibukna oge ngarawat kasehatan ku senam mah utama, sabab lamun henteu sehat mah moal bisa sibuk. Angot lamun awak nepi ka stroke mah, leuh geus tangtu kana teu walakayana. [] Endang GG