Sakola Hejo
Ku: Hj. Atit Suryati, S.Pd
Kabersihan teh bagean tina iman. Eta kalimah remen diucapkeun dina kahirupan
sapopoe, sarta memang penting dilampahkeun ku unggal jalma. Ladang tina resep beberesih teh apan kahirupan anu sehat. Di mana wae urang cicing, kabersihan jeung kasehatan lingkungan teh kudu jadi kautamaan, kaasup di lingkungan sakola.
Sakola anu hade lain anu bangunanana tohaga wae, tapi anu beresih. Upama lingkungan sakolah kotor geus tangtu kana lobana bibit panyakit kayaning gangguan pencernaan, diare, infeksi saluran pernafasan atas (ISPA), jeung sajabana ti eta. Sakabeh jalma bisa katarajang ku rupa-rupa panyakit—akibat tina gorengna lingkungan. Murid, guru, kapala sakola, katut panjaga sakola, moal boa bakal gempar garering saupama lingkungan di sakolana kotor, teu berseka. Sangkan eta hal nu teu dipiharep henteu kajadian, SD Negeri Sayuran 01 di Kacamatan Dayeuh kolot Kabupaten Bandung masang slogan “Go Green School”. Ceuk basa urang mah, hayu urang ngahejokeun sakola! Ngahejokeun sakolah teh lain hartina mulas bangunan sakola ku cet hejo. Maksudna mah urang mulasara lingkungan sakola sangkan pikabetaheun. Lain gagayaan masang eta slogan teh.
Ku ayana eta slogan, alhamdulillah, salila tilu bulan geus kaciri hasilna. Sakumna warga SD Negeri Sayuran 01 nu ngawengku murid, guru, kapala sakola, sarta panjaga sakola, giak sabilulungan merhatikeun pasualan sanitasi sakola. Buruan sakola dipelakkan rupa-rupa tatangkalan nu aya mangpaatna kayaning bungbuahan, sayuran, jeung tanaman obat. Botol plastik urut oge jadi mangpaat dijadikeun pot-potna anu dipulas sina geulis, tur digantung di buruan sakola. Ku ngapangmaatkeun botol plastik urut teh geus tangtu bisa ngurangan limbah botol plastik. Lian ti eta, SD Negeri Sayuran 01 keur nyieunan biopori di sababaraha titik sangkan daya serapan cai di sakola jadi hade. Temahna moal aya cai anu ngeyembeng di sakola teh. Apan cai anu ngeyembeng teh bisa jadi bibit buitna panyakit demam berdarah.
Perkara miceun runtah, kaberesihan WC sakola, oge jadi bahan perhatian utama di SD Negeri Sayuran 01. WC sakola, boh WC murid boh WC guru, kudu nyumponan standar sanitasi sakola sehat. Di SD Negeri Sayuran 01 WC dibersihan dua kali dina sapoe. Sajaba ti panjaga sakola, nu ngagunakeun WC wajib ngajaga kabersihan WC. Malah, ngarah tartib, asup ka WC kudu muka sapatu, diganti ku sendal. Pon nyakitu wastafel di lingkungan sakola oge penting, geusan ngalarapkeun kabiasaan ngumbah leungeun make sabun, sangkan teu katarajang ku panyakit.
Henam ah urang sabanda sariksa mulasara lingkungan sakola anu beresih jeung sehat. Lingkungan sakola anu genah, merenah, sarta pikabetaheun, geus tangtu hade pangaruhna kana kagiatan belajar mengajar. Cag! []
Nu nulis Kapala SDN Sayuran 01 Dayeuhkolot Kabupaten Bandung.
sapopoe, sarta memang penting dilampahkeun ku unggal jalma. Ladang tina resep beberesih teh apan kahirupan anu sehat. Di mana wae urang cicing, kabersihan jeung kasehatan lingkungan teh kudu jadi kautamaan, kaasup di lingkungan sakola.
Sakola anu hade lain anu bangunanana tohaga wae, tapi anu beresih. Upama lingkungan sakolah kotor geus tangtu kana lobana bibit panyakit kayaning gangguan pencernaan, diare, infeksi saluran pernafasan atas (ISPA), jeung sajabana ti eta. Sakabeh jalma bisa katarajang ku rupa-rupa panyakit—akibat tina gorengna lingkungan. Murid, guru, kapala sakola, katut panjaga sakola, moal boa bakal gempar garering saupama lingkungan di sakolana kotor, teu berseka. Sangkan eta hal nu teu dipiharep henteu kajadian, SD Negeri Sayuran 01 di Kacamatan Dayeuh kolot Kabupaten Bandung masang slogan “Go Green School”. Ceuk basa urang mah, hayu urang ngahejokeun sakola! Ngahejokeun sakolah teh lain hartina mulas bangunan sakola ku cet hejo. Maksudna mah urang mulasara lingkungan sakola sangkan pikabetaheun. Lain gagayaan masang eta slogan teh.
Ku ayana eta slogan, alhamdulillah, salila tilu bulan geus kaciri hasilna. Sakumna warga SD Negeri Sayuran 01 nu ngawengku murid, guru, kapala sakola, sarta panjaga sakola, giak sabilulungan merhatikeun pasualan sanitasi sakola. Buruan sakola dipelakkan rupa-rupa tatangkalan nu aya mangpaatna kayaning bungbuahan, sayuran, jeung tanaman obat. Botol plastik urut oge jadi mangpaat dijadikeun pot-potna anu dipulas sina geulis, tur digantung di buruan sakola. Ku ngapangmaatkeun botol plastik urut teh geus tangtu bisa ngurangan limbah botol plastik. Lian ti eta, SD Negeri Sayuran 01 keur nyieunan biopori di sababaraha titik sangkan daya serapan cai di sakola jadi hade. Temahna moal aya cai anu ngeyembeng di sakola teh. Apan cai anu ngeyembeng teh bisa jadi bibit buitna panyakit demam berdarah.
Perkara miceun runtah, kaberesihan WC sakola, oge jadi bahan perhatian utama di SD Negeri Sayuran 01. WC sakola, boh WC murid boh WC guru, kudu nyumponan standar sanitasi sakola sehat. Di SD Negeri Sayuran 01 WC dibersihan dua kali dina sapoe. Sajaba ti panjaga sakola, nu ngagunakeun WC wajib ngajaga kabersihan WC. Malah, ngarah tartib, asup ka WC kudu muka sapatu, diganti ku sendal. Pon nyakitu wastafel di lingkungan sakola oge penting, geusan ngalarapkeun kabiasaan ngumbah leungeun make sabun, sangkan teu katarajang ku panyakit.
Henam ah urang sabanda sariksa mulasara lingkungan sakola anu beresih jeung sehat. Lingkungan sakola anu genah, merenah, sarta pikabetaheun, geus tangtu hade pangaruhna kana kagiatan belajar mengajar. Cag! []
Nu nulis Kapala SDN Sayuran 01 Dayeuhkolot Kabupaten Bandung.
Komentar
Posting Komentar