Bada Sholat Fardu Kudu Ngadu'a

Pangpangna mah kaom rumaja jeung pamuda, ari rengse sholat fardu sabada salam teh belenyeng indit, henteu ngadu'a heula. Padahal ngadu'a teh penting, sarta moal nepi ka sajam. Numutkeun ajaran Islam, lamun bada sholat henteu ngadu'a heula, nu kitu disebutna angkuh, sombong, jiga anu teu perlu deui bantuan Alloh SWT.

Dawuhan Alloh SWT, "Prak maraneh geura menta ka Kami, tinangtu Kami bakal ngaijabah pamenta maraneh." 

Cindekna ngadu'a teh diparentahkeun ku Alloh. Menta naon bae pasti ditedunan, asal anu dipentana pikeun kahadean tur ngadu'ana luyu jeung anu dicontohkeun ku Alloh katut Rosul-Na.

Para Nabi oge getol ngadu'a. Nalika aya perkara anu kudu meunang pitulung Alloh, Nabi Musa AS mundut sangkan disadiakeun katuangan pikeun umatna anu nangtang kamampuhna. Nabi Musa ngadatangkeun rupa-rupa dahareun, kitu deui Nabi Zakaria AS oge mundut nalika anjeunna midangdam turunan (putra), sok sanaos yuswana parantos sepuh tur garwana oge hapa (mandul). Sedengkeun jalma-jalma nu aya di sabudeureunnana mikangewa malah ngusir anjeunna."Nun Gusti Pangeran abdi! Mugi Gusti maparin pituduh ka maranehna. Satemenna maranehna teh golongan jalma anu teu ngalarti."

Tapi, naha cukup ku kitu wungkul? Alloh ngalungsurkeun naon anu ku urang dipundut? Du'a lain saukur proses mundut. Du'a ngarupakeun cara keur nepungkeun antara karep mahluk jeung kersana Kholik. Llamun aya dua karep nu pasalia. Alloh bakal nuduhkeun pilihan nu panghadena pikeun teu meunang naon-naon tina pamundutna. Jadi taya du'a anu dimomorekeun.

Du'a mangrupa dua sisi anu teu bisa dipisahkeun, antara neneda jeung ihtiar. Ngaliwatan proses ihtiar, hiji jalma bakal meunang jawaban Alloh. Jadi kajeun jalma nu paling sibuk, tetep ngadu'a sabada sholat fardu mah wajib, mugia du'a urang tiasa langsung dijabah ku Alloh SWT. Aamiin.... [] Ida Rukmana