Badan Kesbangpol Kabupaten Bandung Ngahijikeun Ormas/LSM jeung SKPD

Kepala Bidang Politik Dalam Negeri dan Pembinaan Ormas Kabupaten Bandung,
 Dadang Hermawan, S.S.Ip.| sundaonline.com

Salila dua poe, Rebo-Kemis, 13-14 April 2016, Badan Kesbangpol Kabupaten Bandung ngayakeun acara “Sosialisasi Peningkatan Kemitraan dan Pemberdayaan Ormas/LSM di Kabupaten Bandung”, di Hotel Saung Bilik Kabupaten Bandung. Aya ratusan aktivis Ormas/LSM anu hadir dina eta acara.

Nu jaradi narasumber dina eta acara nya eta H. Agus Dinar, Hj. Nunung Nuraisyah, S.Sos, M.Si, Lilis Darojah, S.Sos, M.Si, H. Pujo Semedi, SH, Dra. Hj. Gina Haryati G., M.Pd, diwuwuh ku moderatorna Asep Sujana, SP, Drs. Heri Ganefi, Nandi jeung Lukman Nurhakim, S.Sos.

Kepala Bidang Politik Dalam Negeri dan Pembinaan Ormas Kabupaten Bandung, Dadang Hermawan, S.S.Ip, anu dibenum jadi Pejabat Pelaksana Teknis Kegiatan, miharep, ku ayana eta acara, Ormas mampuh ngalaksanakeun kagiatanana luyu jeung tugas fungsina, AD ART-na, bisa ngahiji babarengan digawe jeung SKPD-SKPD di Kabupaten Bandung, tug ka ahirna Ormas mampuh mandiri.

Para aktivis Ormas/LSM dina acara Sosialisasi Peningkatan Kemitraan dan Pembedayaan Ormas/LSM 
di Hotel Saung Bilik Kabupaten Bandung. | sundaonline.com

Alhamdulillah, sakumna SKPD (Satuan Kerja Perangkat Daerah) di Kabupaten Bandung siap ngarojong jeung ngadeudeul pikeun pemberdayaan Ormas/LSM. Di antarana SKPD anu geus nembongkeun ketakna nya eta Bagian Ekonomi, Diskoperindag, Disnaker, Diskopar jeung Dinas Sosial. Insya Alloh, cek Dadang Hermawan, ku lantaran Badan Kesbangpol kudu mampu ngawujudkeun hiji tali komunikasi, ka hareupna sakumna Ormas/LSM di Kabupaten Bandung bakal dibeungkeut ku hiji forum. “Tunggu sajah tanggal mainnya,” pokna ka sundaonline.com.

Dadang Hermawan ngajentrekeun, tina 623 Ormas/LSM anu kacatet di Badan Kesbangpol Kabupaten Bandung, ngan 222 anu aktifna mah, nya eta Ormas/LSM anu memperpanjang SKT-na.

Naon bedana Ormas jeung LSM? Cek Dadang Hermawan, LSM mah tidak berbasis massa, tapi Ormas mah berbasis massa. Taya watesan dina jumlah massa. Hartina, rek massana sarebu atawa dua rebu mangga wae, ari enya mah masarakat cocok jeung Ormasna. Ngan dina kelompok umur anu kawatesanan mah. Da piraku barudak SD arasup kana Ormas. [] ram