Runtah Anyar Ngahunyud Deui, Sepanduk TPS Gandasari Didudut Ku “Nu Gelo”
 | |
| Runtah anyar ngahunyud deui di TPS Gandasari, Kacamatan Cangkuang, Kabupaten Bandung anu geus ditutup. | sundaonline.com |
 |
| Pa Ajat keur mageuhan pager TPS Gandasari. |
Poe Rebo (18/5), keur panas poe ereng-erengan, kuring ngaliwat deui ka Jalan Gandasari, Kacamatan Cangkuang, Kabupaten Bandung. Barang ngareret ka TPS (pamiceunan runtah) anu geus ditutup ku pamarentah tea, kuring ngarenjag deui, sabab opat sepanduk anu ngajeblag dina pager teh kari dua. Anu dua deui leungit teuing ka mendi. Sepanduk anu leungit teh nya eta sepanduk warna bodas anu unina “Dilarang Membuang Sampah di Sini” jeung sepanduk warna koneng anu unina “Membuang Sampah Sembarangan Dituntut Hukuman Kurungan 6 Bulan atau Denda Rp 58 Juta”.
“Ah, ku nu gelo!” cek Pa Ajat (60 taun), warga Jalan Gandasari, Kacamatan Cangkuang, Kabupaten Bandung, basa ditanya ku sundaonline.com ngeunaan leungitna eta dua sepanduk. Duka saha nu gelo teh. Duka jalma nu bener-bener gelo, duka jalma nu teu sukaeun kana ditutupna eta TPS. Pa Ajat teu ngajelaskeun sual nu gelo.
Basa disampeurkeun ku sundaonline.com, Pa Ajat anu sapopoena jadi bandar rongsokan teh keur jongjon ngelas pager beusi anu diadekkeun kana pager awi anu nutup eta TPS. Peta Pa Ajat sarupa kitu teh taya nu nitah, estu inisiatifna sorangan bawaning ku gemes ka balarea anu sok resep miceun runtah ka eta tempat. Piraku nepi ka henteu gemes, da apan padumukan Pa Ajat teh sakapat pisan jeung eta TPS. Lamun runtah geus ngahunyud, ngagugunung, teu diangkut wae ku patugas, geus tangtu kana bauna, tur ngaganggu pisan pikeun warga anu caricing di palebah dinya mah.
Cek Pa Ajat, nu mariceun runtah ka TPS Gandasari teh umumna mah dina wanici janari atawa subuh. Duka urang mana nu sok mariceun runtah ka dinya teh. Padahal mun maranehna nyakola mah geus tangtu moal wani miceun runtah ka sambarang tempat. Nu miceun runtah ka dinya teh aya nu make sapedah motor, aya oge nu make mobil bak.
Saenyana, Pa Ajat ngeceskeun, ti saprak ditutupna eta TPS, aya kana limaanana anu ngajaga teh. Ngan duka kumaha nu mariceun runtah ka dinya angger bae teu euih-euih. Piraku nu ngajagana dianggap bebegig mah. Tapi, basa sundaonline.com nepungan Pa Ajat mah, teu kaciri saurang-urang acan nu ngajaga TPS Gandasari teh. “Duka ka marana,” cek Pa Ajat.
Ku tayana panalingaan anu maksimal, TPS Gandasari anu geus ditutup teh angger jadi pamiceunan runtah. Runtah anyar ngahunyud deui, ambarayah deui, malah nepi ka peuntaseunana. [] Endang GG
“Ah, ku nu gelo!” cek Pa Ajat (60 taun), warga Jalan Gandasari, Kacamatan Cangkuang, Kabupaten Bandung, basa ditanya ku sundaonline.com ngeunaan leungitna eta dua sepanduk. Duka saha nu gelo teh. Duka jalma nu bener-bener gelo, duka jalma nu teu sukaeun kana ditutupna eta TPS. Pa Ajat teu ngajelaskeun sual nu gelo.
Basa disampeurkeun ku sundaonline.com, Pa Ajat anu sapopoena jadi bandar rongsokan teh keur jongjon ngelas pager beusi anu diadekkeun kana pager awi anu nutup eta TPS. Peta Pa Ajat sarupa kitu teh taya nu nitah, estu inisiatifna sorangan bawaning ku gemes ka balarea anu sok resep miceun runtah ka eta tempat. Piraku nepi ka henteu gemes, da apan padumukan Pa Ajat teh sakapat pisan jeung eta TPS. Lamun runtah geus ngahunyud, ngagugunung, teu diangkut wae ku patugas, geus tangtu kana bauna, tur ngaganggu pisan pikeun warga anu caricing di palebah dinya mah.
Cek Pa Ajat, nu mariceun runtah ka TPS Gandasari teh umumna mah dina wanici janari atawa subuh. Duka urang mana nu sok mariceun runtah ka dinya teh. Padahal mun maranehna nyakola mah geus tangtu moal wani miceun runtah ka sambarang tempat. Nu miceun runtah ka dinya teh aya nu make sapedah motor, aya oge nu make mobil bak.
Saenyana, Pa Ajat ngeceskeun, ti saprak ditutupna eta TPS, aya kana limaanana anu ngajaga teh. Ngan duka kumaha nu mariceun runtah ka dinya angger bae teu euih-euih. Piraku nu ngajagana dianggap bebegig mah. Tapi, basa sundaonline.com nepungan Pa Ajat mah, teu kaciri saurang-urang acan nu ngajaga TPS Gandasari teh. “Duka ka marana,” cek Pa Ajat.
Ku tayana panalingaan anu maksimal, TPS Gandasari anu geus ditutup teh angger jadi pamiceunan runtah. Runtah anyar ngahunyud deui, ambarayah deui, malah nepi ka peuntaseunana. [] Endang GG
Komentar
Posting Komentar