Kabita ku Urang Garut, Urang Pakidulan Cianjur Butuh Pegadaian
 |
| Bututna jalan, ngahesekeun warga Pakidulan Cianjur ngajugjug ka Pegadaian. | sundaonline.com/ram |
Ibu Euis (54), urang Cisurupan Garut, remen pisan larsup ka Pegadaian ngadon ngagadekeun barang. Padahal, di lemburna oge rea nu nawaran pikeun ngagadekeun mah. Tapi, leuwih hade ka Pegadaian bae tinimbang ka tukang gade perorangan mah, sanajan muru Pegadaian teh jauh, 19 kilometer ti Cisurupan ka Garut teh.
“Ibu mah tara ka mana-mana deui ari ngagadekeun barang teh, ka Pegadaian we, margi di Pegadaian mah kahartos pisan sareng bungana alit deuih,” ceuk Ibu Euis ka sundaonline.com, basa tepung di Pegadaian, Jalan Pasar Baru Garut. Harita teh manehna rek nebus emas nu digadekeun genep bulan kaliwat.
Ceuk Ibu Euis, kungsi manehna ge ngagadekeun barang ka perorangan, boh nu aya di Cisurupan boh nu di Garut. Tapi nya kitu, lebah transaksina teu eucreug. Dina nibankeun bungana gede pisan tur rea paraturan anu teu kaharti ku akal. Remen katipu, cenah. Ari dina perjangjian bungana 12%, tapi waktuna nebus gadean bet sulaya. Bungana sok meral ngagedean.
Ari ngagadekeun barang ka Pegadaian mah aman, teu renced prosesna, teu matak rudet ahirna. Pantes upama Pegadaian sloganna Mengatasi Masalah Tanpa Masalah. Di kitu pisan anu dipiharep ku balarea.
Ngan karunya mah urang Pakidulan Cianjur. Hayang ngagadekeun barang ka Pegadaian teh hese. Sabab, upama hayang ka Pegadaian teh kudu nyorang lalampahan anu kacida jauhna. Tug ka wangkid ieu, di Pakidulan Cianjur tacan aya outlet Pegadaian. Di Kacamatan Tanggeung, Pagelaran, jeung Sukanagara, nu kaitung kacamatan maju di Kabupaten Cianjur, tacan aya Pegadaian. Akibatna, upama hayang ka Pegadaian, urang Pakidulan Cianjur kudu ka kota, nyorang perjalanan puluhan kilometer. “Keun ku tebihna mah da tos puguh tebih ka kota teh, nu matak seunggah mah ku kondisi jalanna,” ceuk Kurnia Sudrajat, S.Pd, warga Desa Sirnasari, Kacamatan Leles, Kabupaten Cianjur.
Kurnia Sudrajat netelakeun, kondisi jalan di Pakidulan Cianjur masih loba nu butut. Loba jalan anu tarahal, renjul, jiga wahangan saat. Ku alatan kitu, eta guru di Desa Sirnasari teh sadar, meujeuhna seug Pegadaian tacan ngadeg di Pakidulan Cianjur oge.
Asman Humas Kanwil X PT Pegadaian Persero, Iwan Nirwana, netelakeun, di Kabupaten Cianjur kakara aya sapuluh cabang Pegadaian, nya eta di Pasar Muka, Cibeber, Bojongherang, Warungkondang, Pasir Hayam, Ciranjang, Rajamandala, Cikalongkulon, Pacet jeung Cipanas. “Idealna, Pegadaian aya di tiap kacamatan,” pokna ka sundaonline.com di kantorna, Jalan Pungkur Bandung, Senen (20/6).
Saenyana, Iwan Nirwana ngajentrekeun, upama enyaan butuhna kana ayana Pegadaian, masarakat bisa ngajukeun permohonan ka Cabang Pegadaian anu pangdeukeutna. “Mung ditampi atanapi henteuna eta permohonan gumantung kana hasil analisis survey,” pokna bari tuluy nyebutkeun ciciren pikeun ngadegkeun outlet Pegadaian teh upama di hiji tempat geus dug-deg bank-bank pamarentah jeung swasta. “Tapi, angger ahirna mah gumantung kana hasil analisis survey,” pokna deui.
Numutkeun katerangan Kurnia Sudrajat, di Tanggeung, Kabupaten Cianjur, geus loba bank. Malahan mah di Kacamatan Leles, Kabupaten Cianjur, oge geus aya mini market. [] ram
“Ibu mah tara ka mana-mana deui ari ngagadekeun barang teh, ka Pegadaian we, margi di Pegadaian mah kahartos pisan sareng bungana alit deuih,” ceuk Ibu Euis ka sundaonline.com, basa tepung di Pegadaian, Jalan Pasar Baru Garut. Harita teh manehna rek nebus emas nu digadekeun genep bulan kaliwat.
Ceuk Ibu Euis, kungsi manehna ge ngagadekeun barang ka perorangan, boh nu aya di Cisurupan boh nu di Garut. Tapi nya kitu, lebah transaksina teu eucreug. Dina nibankeun bungana gede pisan tur rea paraturan anu teu kaharti ku akal. Remen katipu, cenah. Ari dina perjangjian bungana 12%, tapi waktuna nebus gadean bet sulaya. Bungana sok meral ngagedean.
Ari ngagadekeun barang ka Pegadaian mah aman, teu renced prosesna, teu matak rudet ahirna. Pantes upama Pegadaian sloganna Mengatasi Masalah Tanpa Masalah. Di kitu pisan anu dipiharep ku balarea.
Ngan karunya mah urang Pakidulan Cianjur. Hayang ngagadekeun barang ka Pegadaian teh hese. Sabab, upama hayang ka Pegadaian teh kudu nyorang lalampahan anu kacida jauhna. Tug ka wangkid ieu, di Pakidulan Cianjur tacan aya outlet Pegadaian. Di Kacamatan Tanggeung, Pagelaran, jeung Sukanagara, nu kaitung kacamatan maju di Kabupaten Cianjur, tacan aya Pegadaian. Akibatna, upama hayang ka Pegadaian, urang Pakidulan Cianjur kudu ka kota, nyorang perjalanan puluhan kilometer. “Keun ku tebihna mah da tos puguh tebih ka kota teh, nu matak seunggah mah ku kondisi jalanna,” ceuk Kurnia Sudrajat, S.Pd, warga Desa Sirnasari, Kacamatan Leles, Kabupaten Cianjur.
Kurnia Sudrajat netelakeun, kondisi jalan di Pakidulan Cianjur masih loba nu butut. Loba jalan anu tarahal, renjul, jiga wahangan saat. Ku alatan kitu, eta guru di Desa Sirnasari teh sadar, meujeuhna seug Pegadaian tacan ngadeg di Pakidulan Cianjur oge.
Asman Humas Kanwil X PT Pegadaian Persero, Iwan Nirwana, netelakeun, di Kabupaten Cianjur kakara aya sapuluh cabang Pegadaian, nya eta di Pasar Muka, Cibeber, Bojongherang, Warungkondang, Pasir Hayam, Ciranjang, Rajamandala, Cikalongkulon, Pacet jeung Cipanas. “Idealna, Pegadaian aya di tiap kacamatan,” pokna ka sundaonline.com di kantorna, Jalan Pungkur Bandung, Senen (20/6).
Saenyana, Iwan Nirwana ngajentrekeun, upama enyaan butuhna kana ayana Pegadaian, masarakat bisa ngajukeun permohonan ka Cabang Pegadaian anu pangdeukeutna. “Mung ditampi atanapi henteuna eta permohonan gumantung kana hasil analisis survey,” pokna bari tuluy nyebutkeun ciciren pikeun ngadegkeun outlet Pegadaian teh upama di hiji tempat geus dug-deg bank-bank pamarentah jeung swasta. “Tapi, angger ahirna mah gumantung kana hasil analisis survey,” pokna deui.
Numutkeun katerangan Kurnia Sudrajat, di Tanggeung, Kabupaten Cianjur, geus loba bank. Malahan mah di Kacamatan Leles, Kabupaten Cianjur, oge geus aya mini market. [] ram
Komentar
Posting Komentar