Parkir di Sisi Jalan Asa Dipalak
 |
| Ieu aturan remen dibaekeun ku tukang parkir di sisi jalan. | sundaonline.com |
Paingan atuh Pa Drajat (47) sok alimeun parkir di sisi jalan. Da geuning enya, cek Pa Dudung (48), parkir di sisi jalan mah asa dipalak. Naha? Geura ieu lalampahanana. Basa Pa Dudung ka Pasarbaru Bandung, inyana markirkeun sapedah motorna di sisi jalan. Teu lila parkirna mah, da ukur rek nukeurkeun barang ka pasar teh. Ngan barang song ngasongkeun duit sarebu rupia, tukang parkir teh menta dua rebu rupia. Pa Dudung kokodok deui kana pesakna, duit leutik teh ngan kari nu lima rebu rupia. Atuh song duit nu lima rebu teh diasongkeun ka tukang parkir. Kakara we dipulangan tilu rebu rupia ku tukang parkir teh.
Eta pangalaman teh geus remen kajadian. “Pokona mah tiap abdi parkir di sisi jalan, pasti we kitu,” cek Pa Dudung, warga Jalan Pagarsih, Kota Bandung.
“Leres pisan, “ Pa Drajat nembongkeun pamanggihna. “Upami diasongan artos dua rebu rupiah teh tara diangsulan,” pokna deui ngajentrekeun.
Intina lain owel ku duit dua rebu perak. Cek arinyana, harga parkir kandaraan di sisi jalan teu luyu jeung aturan. Apan sidik, dumasar kana Perda No. 12 taun 2012 anu netepkeun tarip retribusi parkir kawasan pusat kota, pamarentah netepkeun harga parkir pikeun sapedah motor teh sarebu rupia, sakali salila maksimal dua jam. Lamun mobil sedan, mobil box, pick up jeung kandaraan roda tilu, dua rebu rupia. Beus, treuk jeung treuk gandengan mah lima rebu rupia. Eta pangumunan anu ngajegir meh di tiap tempat parkir di sisi jalan Kota Bandung teh sidik kabaca ku balarea. Tapi naha tukang parkir kawas nu teu apal kana aturan.
Nu matak ngenes mah, cek Pa Drajat, lamun rek ka ATM. Hanas parkir, ari barang gok mesin ATM-na keur gangguan. Atuh balik teh lain meunang duit, tapi kalah miceun duit ka tukang parkir. Padahal ukur memenitan. “Matakna abdi kalintang nganuhunkeunana ka mini market-mini market anu tos nyadiakeun lahan parkir gratis,” pokna deui. [] Endang GG
Eta pangalaman teh geus remen kajadian. “Pokona mah tiap abdi parkir di sisi jalan, pasti we kitu,” cek Pa Dudung, warga Jalan Pagarsih, Kota Bandung.
“Leres pisan, “ Pa Drajat nembongkeun pamanggihna. “Upami diasongan artos dua rebu rupiah teh tara diangsulan,” pokna deui ngajentrekeun.
Intina lain owel ku duit dua rebu perak. Cek arinyana, harga parkir kandaraan di sisi jalan teu luyu jeung aturan. Apan sidik, dumasar kana Perda No. 12 taun 2012 anu netepkeun tarip retribusi parkir kawasan pusat kota, pamarentah netepkeun harga parkir pikeun sapedah motor teh sarebu rupia, sakali salila maksimal dua jam. Lamun mobil sedan, mobil box, pick up jeung kandaraan roda tilu, dua rebu rupia. Beus, treuk jeung treuk gandengan mah lima rebu rupia. Eta pangumunan anu ngajegir meh di tiap tempat parkir di sisi jalan Kota Bandung teh sidik kabaca ku balarea. Tapi naha tukang parkir kawas nu teu apal kana aturan.
Nu matak ngenes mah, cek Pa Drajat, lamun rek ka ATM. Hanas parkir, ari barang gok mesin ATM-na keur gangguan. Atuh balik teh lain meunang duit, tapi kalah miceun duit ka tukang parkir. Padahal ukur memenitan. “Matakna abdi kalintang nganuhunkeunana ka mini market-mini market anu tos nyadiakeun lahan parkir gratis,” pokna deui. [] Endang GG
Komentar
Posting Komentar