PP 10 Can Dicabut, PNS Teu Meunang Nyandung
 |
| Ilustrasi sundaonline.com |
AS teh guru pagawe negeri sipil (PNS) di Kabupaten Bandung. EN oge guru PNS di Kabupaten Garut. Sanajan imahna pajauh, salaku lalaki AS teu weleh satia apel ka Garut saban poe Rebo, Jumaah jeung Minggu. Teu paduli rek usum halodo atawa usum hujan, pokona mun geus rengse ngajar ti sakola, AS ngabiur kana sapedah motor nepungan EN. Lamun henteu, cek pangakuan AS, EN baris ngadat. Mun nepi ka ngadatna, AS sok jadi rudet. Matakna, batan rudet, mending nyumponan kahayang EN, apel saminggu tilu kali.
Cindekna mah, AS jeung EN teh bobogohan. Geus kawilang lila boga hubungan asmarana teh, ti taun 2010. Padahal, boh AS boh EN geus arincuan. Malahan mah AS masih keneh boga pamajikan, pon nyakitu EN boga keneh salaki. Ku sabab kitu, ngarah teu katohian, arinyana jangjian tepung di hiji tempat anu netral. Mun geus patepung di hiji tempat, cek AS, tuluy bae momotoran muru tempat pelesiran. Bawaning ku gede duriatna, AS anu kari dua taun deui ka pangsiun teh kawas nu taya kacape. Geura eta we, ti Katapang, Kabupaten Bandung, ngabiur ka Tarogong Garut. Ti dinya tuluy ngaprak nutur-nutur kahayang EN. Ayana kalana ka Kamojang, ka basisir Jayanti, Cidaun, Kabupaten Cianjur, ka Ciater Subang, jeung tempat-tempat kaulinan lianna. Mun geus ngaprak, AS kudu nganteurkeun EN ka Tarogong Garut deui. Ti dinya mah AS mulang ka imahna di Kabupaten Bandung. Puguh we nepi ka imah teh tara pasosore, tapi peuting waktuna pamajikan jeung anak incuna AS geus talibra.
Duka nepi ka iraha AS rek kikituan. Nu tangtu, peta kitu dipilampah ku arinyana teh susulumputan. Hartina AS jeung EN geus mangtaun-taun ngabohongan kulawargana. AS sadar, upama perkara hubungan inyana jeung EN katohian, tangtu bakal wirang, malah beh dituna AS jeung EN bisa ditibanan sangsi ku pamarentah.
Kalakuan AS jeung EN teu bisa dibenerkeun, boh ku hukum agama boh ku hukum darigama. Sabab, tetela, AS jeung EN salila ieu ngabohongan wae ka nu jadi kulawargana. Jangji AS rek satia ka nu jadi pamajikanana geus sulaya. Pon nyakitu jangji EN nu rek satuhu ka salakina.
Padahal AS jeung EN ngarti kana aturan. PNS mah teu meunang nyandung. Aturanana geus sidik kaunggel dina Peraturan Pemerintah Nomor 10 Tahun 1983—anu biasa disebut PP 10. Sanajan aya Peraturan Pemerintah Nomor 45 Tahun 1990 ngeunaan izin nyandung pikeun PNS, tapi PP 10 tacan dicabut alias masih berlaku. “Apan PP 10 masih berlaku,” cek Menteri Pendayagunaan Aparatur Negara dan Reformasi Birokrasi, Yuddy Chrisnandi, ka wartawan di Balai Sudirman, Tebet, Jakarta Selatan, sawatara waktu kaliwat.
Guru besar administrasi tata negara ti Universitas Gajah Mada (UGM) Yogyakarta, Prof. Sofian Effendy, malah leuwih tatag nyaritana. Cek inyana, PP 10 geus sidik aturanana yen PNS teu meunang nyandung. Eta aturan teh masih berlaku, sabab tug ka kiwari PP 10 tacan dicabut. Sangsina oge eces, pikeun PNS anu ngarempak PP 10 bakal diturunkeun pangkatna, malah bisa nepi ka dipecatna ku pamarentah.
Ngan aneh, ongkoh apal tur ngarti kana ayana PP 10, tapi loba PNS anu ngabaekeun. Salah sahiji buktina AS jeung EN anu can euih-euih ngalajur napsu ngumbar asmara. [] Endang GG
Cindekna mah, AS jeung EN teh bobogohan. Geus kawilang lila boga hubungan asmarana teh, ti taun 2010. Padahal, boh AS boh EN geus arincuan. Malahan mah AS masih keneh boga pamajikan, pon nyakitu EN boga keneh salaki. Ku sabab kitu, ngarah teu katohian, arinyana jangjian tepung di hiji tempat anu netral. Mun geus patepung di hiji tempat, cek AS, tuluy bae momotoran muru tempat pelesiran. Bawaning ku gede duriatna, AS anu kari dua taun deui ka pangsiun teh kawas nu taya kacape. Geura eta we, ti Katapang, Kabupaten Bandung, ngabiur ka Tarogong Garut. Ti dinya tuluy ngaprak nutur-nutur kahayang EN. Ayana kalana ka Kamojang, ka basisir Jayanti, Cidaun, Kabupaten Cianjur, ka Ciater Subang, jeung tempat-tempat kaulinan lianna. Mun geus ngaprak, AS kudu nganteurkeun EN ka Tarogong Garut deui. Ti dinya mah AS mulang ka imahna di Kabupaten Bandung. Puguh we nepi ka imah teh tara pasosore, tapi peuting waktuna pamajikan jeung anak incuna AS geus talibra.
Duka nepi ka iraha AS rek kikituan. Nu tangtu, peta kitu dipilampah ku arinyana teh susulumputan. Hartina AS jeung EN geus mangtaun-taun ngabohongan kulawargana. AS sadar, upama perkara hubungan inyana jeung EN katohian, tangtu bakal wirang, malah beh dituna AS jeung EN bisa ditibanan sangsi ku pamarentah.
Kalakuan AS jeung EN teu bisa dibenerkeun, boh ku hukum agama boh ku hukum darigama. Sabab, tetela, AS jeung EN salila ieu ngabohongan wae ka nu jadi kulawargana. Jangji AS rek satia ka nu jadi pamajikanana geus sulaya. Pon nyakitu jangji EN nu rek satuhu ka salakina.
Padahal AS jeung EN ngarti kana aturan. PNS mah teu meunang nyandung. Aturanana geus sidik kaunggel dina Peraturan Pemerintah Nomor 10 Tahun 1983—anu biasa disebut PP 10. Sanajan aya Peraturan Pemerintah Nomor 45 Tahun 1990 ngeunaan izin nyandung pikeun PNS, tapi PP 10 tacan dicabut alias masih berlaku. “Apan PP 10 masih berlaku,” cek Menteri Pendayagunaan Aparatur Negara dan Reformasi Birokrasi, Yuddy Chrisnandi, ka wartawan di Balai Sudirman, Tebet, Jakarta Selatan, sawatara waktu kaliwat.
Guru besar administrasi tata negara ti Universitas Gajah Mada (UGM) Yogyakarta, Prof. Sofian Effendy, malah leuwih tatag nyaritana. Cek inyana, PP 10 geus sidik aturanana yen PNS teu meunang nyandung. Eta aturan teh masih berlaku, sabab tug ka kiwari PP 10 tacan dicabut. Sangsina oge eces, pikeun PNS anu ngarempak PP 10 bakal diturunkeun pangkatna, malah bisa nepi ka dipecatna ku pamarentah.
Ngan aneh, ongkoh apal tur ngarti kana ayana PP 10, tapi loba PNS anu ngabaekeun. Salah sahiji buktina AS jeung EN anu can euih-euih ngalajur napsu ngumbar asmara. [] Endang GG
Komentar
Posting Komentar