Urang Sunda Sok Teu Bentes
 |
| Patugas keur ngalaksanakeun cek fisik kandaraan di Samsat, Jalan Gading Raya Kabupaten Bandung. |
 |
| Cek fisik kandaraan teu dipungut biaya alias haratis. | sundaonline.com |
Ku barudak ayeuna mah disebutna GJ (baca: geje), nya eta kancahan tina gak jelas. Kecap GJ teh ditujukeun ka jalma anu tara jelas ngedalkeun pamaksudanana. Cek Ibu Siti, urang Sunda loba nu GJ. Saur indungna Ibu Siti mah, nu GJ teh disebutna teu bentes. Enya, kitu pisan nu kaalaman ku Ibu Siti teh.
Bulan Mei 2015, Ibu Siti miwah carogena ka Samsat, Jalan Gading Raya, Kabupaten Bandung. Maksudna mah rek mayar pajeg sapedah motor, sakalian ganti pelat nomerna, da geus cacap lima taun. Sabot nyorang prosesna, ku patugas nu di luhur teh Ibu Siti dititah ka handap pikeun ngalaksanakeun cek fisik kandaraan. Henteu hese prosesna mah. Ngan, tempona Ibu Siti nanya waragad, patugas cek fisik kandaraan teh kalah ka nyebutkeun, “Sabaraha we.”
Ibu Siti teu resep ngadenge eta jawaban patugas. Kahayang Ibu Siti mah, si patugas teh sing bentes nyebutkeun sabaraha-sabarahana, ngarah puguh. Ku sabab teu bentes wae, ahirna song Ibu Siti ngasongkeun duit Rp 5 rebu ka patugas. Barang sidik duit anu ditampana sakitu, si patugas rada baleng, bari semu kukulutus, manehna nyebutkeun, “Biasana minimal sapuluh rebu,” cenah.
“Atuh ti tadi nyarios, sapuluh rebu kituh,” cek Ibu Siti nyapertikeun omonganana ka patugas. “Sok kesel abdi mah mendakan jalmi sapertos kitu teh,” pokna deui.
Padahal, aturan resmina mah, pikeun cek fisik kendaraan teh henteu dipungut biaya alias gratis.
Aya deui pangalaman Ibu Siti nu sejenna. Pangalaman nu kadua mah basa Ibu Siti rek mulas imah anakna anu masih sakompleks di Desa Nagrak, Kacamatan Cangkuang, Kabupaten Bandung. Harita Ibu Siti menta tulung ka tatanggana anu kabeneran tukang bangunan. Samemeh der, Ibu Siti nanya waragadna. “Ah, gampil sual waragad mah,” walon tukang bangunan.
“Ah, ulah gampil-gampil, sabaraha? Ngarah puguh ka abdina,” cek Ibu Siti.
Tapi keukeuh si tukang bangunan teh henteu mere harga. “Mani kawas ka saha wae,” pokna teh.
Antukna, eleh deet, Ibu Siti nuturkeun kahayang si tukang bangunan. Waktuna dek digawe, eta tukang bangunan teh dibantuan ku kenek saurang.
Ngan sapoe mulas imah teh beres. Tempona rek mayar, Ibu Siti nanya deui ka tukang bangunan perkara waragadna. “Ah, teu langkung, kumaha Ibu we,” cek tukang bangunan.
“Teu langkung teh sabaraha atuh?” Ibu Siti panasaran.
“Muhun teu langkung,” walon tukang bangunan.
Ahirna, song Ibu Siti ngasongkeun duit Rp 130 rebu. Eta duit teh ditampanan ku tukang bangunan. Ngan sabada harita, si tukang bangunan sok babalieusan upama panggih jeung Ibu Siti teh. Sakapeung mah sok kaciri balengna, nembongkeun paromanan anu teu hade. Upama manehna ngaliwat oge tara punten-punten acan. Ibu Siti jadi meunang kahanjelu tina urusan jeung urang Sunda anu GJ teh. [] Endang GG
Bulan Mei 2015, Ibu Siti miwah carogena ka Samsat, Jalan Gading Raya, Kabupaten Bandung. Maksudna mah rek mayar pajeg sapedah motor, sakalian ganti pelat nomerna, da geus cacap lima taun. Sabot nyorang prosesna, ku patugas nu di luhur teh Ibu Siti dititah ka handap pikeun ngalaksanakeun cek fisik kandaraan. Henteu hese prosesna mah. Ngan, tempona Ibu Siti nanya waragad, patugas cek fisik kandaraan teh kalah ka nyebutkeun, “Sabaraha we.”
Ibu Siti teu resep ngadenge eta jawaban patugas. Kahayang Ibu Siti mah, si patugas teh sing bentes nyebutkeun sabaraha-sabarahana, ngarah puguh. Ku sabab teu bentes wae, ahirna song Ibu Siti ngasongkeun duit Rp 5 rebu ka patugas. Barang sidik duit anu ditampana sakitu, si patugas rada baleng, bari semu kukulutus, manehna nyebutkeun, “Biasana minimal sapuluh rebu,” cenah.
“Atuh ti tadi nyarios, sapuluh rebu kituh,” cek Ibu Siti nyapertikeun omonganana ka patugas. “Sok kesel abdi mah mendakan jalmi sapertos kitu teh,” pokna deui.
Padahal, aturan resmina mah, pikeun cek fisik kendaraan teh henteu dipungut biaya alias gratis.
Aya deui pangalaman Ibu Siti nu sejenna. Pangalaman nu kadua mah basa Ibu Siti rek mulas imah anakna anu masih sakompleks di Desa Nagrak, Kacamatan Cangkuang, Kabupaten Bandung. Harita Ibu Siti menta tulung ka tatanggana anu kabeneran tukang bangunan. Samemeh der, Ibu Siti nanya waragadna. “Ah, gampil sual waragad mah,” walon tukang bangunan.
“Ah, ulah gampil-gampil, sabaraha? Ngarah puguh ka abdina,” cek Ibu Siti.
Tapi keukeuh si tukang bangunan teh henteu mere harga. “Mani kawas ka saha wae,” pokna teh.
Antukna, eleh deet, Ibu Siti nuturkeun kahayang si tukang bangunan. Waktuna dek digawe, eta tukang bangunan teh dibantuan ku kenek saurang.
Ngan sapoe mulas imah teh beres. Tempona rek mayar, Ibu Siti nanya deui ka tukang bangunan perkara waragadna. “Ah, teu langkung, kumaha Ibu we,” cek tukang bangunan.
“Teu langkung teh sabaraha atuh?” Ibu Siti panasaran.
“Muhun teu langkung,” walon tukang bangunan.
Ahirna, song Ibu Siti ngasongkeun duit Rp 130 rebu. Eta duit teh ditampanan ku tukang bangunan. Ngan sabada harita, si tukang bangunan sok babalieusan upama panggih jeung Ibu Siti teh. Sakapeung mah sok kaciri balengna, nembongkeun paromanan anu teu hade. Upama manehna ngaliwat oge tara punten-punten acan. Ibu Siti jadi meunang kahanjelu tina urusan jeung urang Sunda anu GJ teh. [] Endang GG
Komentar
Posting Komentar