Runtah, Kakaren Lebaran

Runtah di sisi Jalan Kopo Sayati Kabupaten Bandung. | sundaonline.com

Runtah rantuy dina tatangkalan. | sundaonline.com

Duka kumaha ngungkulanana, da geuning ti taun ka taun teh angger bae kitu. Enya perkara runtah di Kabupaten Bandung. Asa can katimu solusina. Samemeh lebaran oge di sisi-sisi jalan raya teh runtah ngagarunduk. Basa sundaonline.com ngulampreng ka Jalan Kopo Sayati, runtah amayacak nepi ka meh ka tengah jalan, ngahalangan nu lalar-liwat. Basa ngaliwatan Jalan Raya Majalaya-Cicalengka, loba deuih runtah teh tinggarunduk di sisi jalan. Angot sabada lebaran mah, runtah teu sirikna jadi kakaren. Geura eta di sawatara kompleks padumukan kayaning Bumi Parahyangan Kencana, Sanggar Indah Banjaran, jeung sajabana, runtah teh nepi ka rantuy dina tatangkalan. 

Jadina teh lucu, tangkal mangga buahna runtah, tangkal sukun buahna runtah, tangkal sirsak buahna runtah. Matak meujeuhna nu dipanenna oge runtah. [] ram