Hesena Neundeun Kahadean
 | ||
| Eta barudak can karuhan daek nampa kahadean ti jalma saliwat. | sundaonline.com |
Ku jaman kiwari mah teu gampang rek neundeun kahadean ka batur teh. Niat hade can karuhan ditampa ku kahadean. Hal ieu kaalaman pisan ku kuring. Hiji mangsa, basa kuring make sapedah motor di Jalan Ciluncat, Kacamatan Cangkuang, Kabupaten Bandung, katangen aya budak lalaki leutik disaragam SMP keur nikreuh leumpang sorangan katonggohkeun. Ku kuring geus kajudi eta budak rek muru sakolana di SMP Negeri 1 Cangkuang. Ku sabab kaitung jauh keneh ka sakolana, nya sapedah motor teh dialonan, kuring ngadeukeutan eta budak. Barang ku kuring ditawaran bareng tumpak motor ka sakolana, eta budak nepi ka ngarenjag bari bangun anu sieun. “Henteu,” pokna rada geumpeur. “Hayu,” sakali deui kuring ngajak. Tapi keukeuh manehna embungeun.
Kajadian sarupa kitu kaalaman deui. Ngan ayeuna mah barudak awewe, duaan, marake saragam SD. Maranehna mah kakara mulang ti sakolana, SD Negeri Ciluncat 1. Basa disampeurkeun, ditawaran tumpak motor jeung kuring, maranehna kalah ka ngabecir lumpat bangun nu sieun.
Eta pangalaman ku kuring dicaritakeun ka pamajikan jeung babaturan. Ari pokna teh, ulah aneh ku sikep barudak kitu, da kiwari mah apan loba jalma jahat anu api-api bageur rek tutulung ka batur. Buktina teu kurang-kurang barudak anu diculik. Angot barudak awewe mah apan nepi ka digadabahna ku jalma jahat teh. Ku sabab kitu, teu gampang batur oge pikeun nampa kahadean ti urang.
Kaharti ari kitu mah. Ngan dina hiji mangsa kuring bet jorojoy deui hayang mere kahadean ka hiji nini anu keur leumpang di tanjakan bari mawa gembolan sarta keur panas poe ereng-erengan.
“Ema, bade angkat ka mana?” kuring ngadeukeutan Ema Nini.
“Ka tonggoh,” saurna.
“Hayu atuh ku abdi dijajapkeun kana motor,” kuring nawarkeun kahadean. Ema Nini kalah ka gideug. “Leres, Ma, hayu.”
Ema Nini gideug deui bangun nu curiga ka kuring. Duka ku naon. Duka sieun diculik duka sieun digadabah.
Nu panungtung mah pangalaman jeung tatangga anyar. Eta tatangga teh awewe ngora keneh, da anakna oge kakara hiji leutik keneh. Harita teh isuk-isuk manehna katangen rek indit ka pagaweanana. Kuring sarua deuih rek indit. Basa kaciri di jalan manehna keur ngajanteng ngadagoan tukang ojeg, ku kuring disampeurkeun bari ditawaran indit bareng kana motor kuring, da kabeneran tempat gawena sok kaliwatan ku kuring. Ngan eta tatangga teh nolak. Keukeuh rek ngadagoan tukang ojeg cenah. Nya kuring oge teu bisa maksa. Leos bae kuring indit sorangan. Sabada kajadian eta, waktu panggih di hareupeun imah, manehna babalieusan. Upama pasangrok di jalan oge manehna degig, teu malire ka kuring. Hiji mangsa dipuntenan ku kuring oge teu nembalan. Malah waktuna lebaran oge manehna hare-hare.
Basa eta kajadian dicaritakeun ka sobat kuring, ki sobat netelakeun yen eta tatangga teh meureun geus nyangka kuring boga hate kadua leutik ka manehna. Padahal kuring teu pisan-pisan boga parasaan kitu. Nu puguh mah, jaman kiwari teu gampang pikeun neundeun kahadean ka deungeun-deungeun. [] Endang GG
Kajadian sarupa kitu kaalaman deui. Ngan ayeuna mah barudak awewe, duaan, marake saragam SD. Maranehna mah kakara mulang ti sakolana, SD Negeri Ciluncat 1. Basa disampeurkeun, ditawaran tumpak motor jeung kuring, maranehna kalah ka ngabecir lumpat bangun nu sieun.
Eta pangalaman ku kuring dicaritakeun ka pamajikan jeung babaturan. Ari pokna teh, ulah aneh ku sikep barudak kitu, da kiwari mah apan loba jalma jahat anu api-api bageur rek tutulung ka batur. Buktina teu kurang-kurang barudak anu diculik. Angot barudak awewe mah apan nepi ka digadabahna ku jalma jahat teh. Ku sabab kitu, teu gampang batur oge pikeun nampa kahadean ti urang.
Kaharti ari kitu mah. Ngan dina hiji mangsa kuring bet jorojoy deui hayang mere kahadean ka hiji nini anu keur leumpang di tanjakan bari mawa gembolan sarta keur panas poe ereng-erengan.
“Ema, bade angkat ka mana?” kuring ngadeukeutan Ema Nini.
“Ka tonggoh,” saurna.
“Hayu atuh ku abdi dijajapkeun kana motor,” kuring nawarkeun kahadean. Ema Nini kalah ka gideug. “Leres, Ma, hayu.”
Ema Nini gideug deui bangun nu curiga ka kuring. Duka ku naon. Duka sieun diculik duka sieun digadabah.
Nu panungtung mah pangalaman jeung tatangga anyar. Eta tatangga teh awewe ngora keneh, da anakna oge kakara hiji leutik keneh. Harita teh isuk-isuk manehna katangen rek indit ka pagaweanana. Kuring sarua deuih rek indit. Basa kaciri di jalan manehna keur ngajanteng ngadagoan tukang ojeg, ku kuring disampeurkeun bari ditawaran indit bareng kana motor kuring, da kabeneran tempat gawena sok kaliwatan ku kuring. Ngan eta tatangga teh nolak. Keukeuh rek ngadagoan tukang ojeg cenah. Nya kuring oge teu bisa maksa. Leos bae kuring indit sorangan. Sabada kajadian eta, waktu panggih di hareupeun imah, manehna babalieusan. Upama pasangrok di jalan oge manehna degig, teu malire ka kuring. Hiji mangsa dipuntenan ku kuring oge teu nembalan. Malah waktuna lebaran oge manehna hare-hare.
Basa eta kajadian dicaritakeun ka sobat kuring, ki sobat netelakeun yen eta tatangga teh meureun geus nyangka kuring boga hate kadua leutik ka manehna. Padahal kuring teu pisan-pisan boga parasaan kitu. Nu puguh mah, jaman kiwari teu gampang pikeun neundeun kahadean ka deungeun-deungeun. [] Endang GG
Komentar
Posting Komentar