Daun Kumis Ucing Ubar 15 Panyakit

Daun kumis ucing gedé pisan mangpaatna. | manfaat.co.id

Ngalancarkeun kahampangan

25 gram daun kumis ucing anu seger digodog ku dua gelas cai hérang kinten-kinten 15 menit. Leueut ieu ramuan tiap sonten sareng enjing-enjing satengah gelas.

Ubar rematik

Godog lima lambar daun kumis ucing sareng daun meniran ku tilu gelas cai hérang. Saparantosna tiis, leueut ieu ramuan tilu kali sadinten satengah gelas.

Ubar batuk

15-20 gram daun kumis ucing anu seger diwasuh, teras digodog ku sagelas cai hérang. Leueut sadinten tilu kali sagelas.

Ubar lebet angin

Tujuh lambar kumis ucing digodog ku cai hérang sagelas dugi ka janten satengah gelas. Tos tiis, mangga leueut.

Ubar asam urat

Sacanggeum daun kumis ucing digodog ku cai hérang sagelas dugi ka janten satengah gelas. Tos tiis, mangga leueut sadinten tilu kali.

Ubar Keputihan

Sacanggeum daun kumis ucing, sacanggeum daun baluntas, saséndok entéh jinten hideung, sapuluh siki kamukus, digodog ku cai herang sacekapna dugi ka ngagolak. Tos haneut atanapi tiis mangga leueut dua kali sadinten.

Ubar kencing batu

90 gram daun kumis ucing anu seger, sabada diwasuh, digodog ku sagelas cai hérang dugi ka caina janten satengah gelas. Dileueutna tilu kali sadinten.

Sing seueur ngaleueut cai herang, ulah ngaleueut suplemen.

Ubar sembelit

Godog sababaraha lambar daun kumis ucing ku cai sagelas dugi ka ngagolak. Tos tiis, leueut.

Sing seueur ngaleueut cai hérang sareng ngosumsi tuangeun berserat, bubuahan sareng olah raga anu rutin. 

Ubar diabetés

15 lambar daun kumis ucing diwasuh teras digodog ku dua gelas cai hérang dugi ka caina janten sagelas. Leueut sadinten sakali. 

Biasakeun ngonsumsi tuangeun anu rendah kalori, olah raga anu rutin, jaga berat badan ideal.

Ubar nyeri cangkéng

Sacanggeum daun kumis ucing sareng akarna sakedik diwasuh teras digodog ku cai lima gelas dugi ka caina janten dua satengah gelas, tilu kalieun ngaleueut. 

Nu kedah diperhatoskeun ku nu nyeri cangkéng nyaéta kedah rajin olah raga sacara teratur, upami badé calik atanapi kulem, atur posisina ngarah genah, jaga asupan nutrisi anu tepat, kirangan atanapi tebihan roko, ulah ngangkat beban bari dongko. 

Ubar hiperténsi (darah tinggi)

50 gram daun kumis ucing anu garing digodog ku cai sacekapna, 50 gram daun kumis ucing anu baseuh ditinyuh ku cai panas, teras éta dua ramuan téh dicampurkeun, leueut sadinten sakali.

Anu darah tinggi mah kedah ngirangan uyah, tebihan roko sareng alkohol, ulah strés, olah raga sing teratur, ageungkeun nuang sayuran sareng bubuahan. 

Ubar sipilis

Sababaraha lambar daun kumis ucing digodog ku cai hérang dua gelas dugi ka caina janten sagelas. Dileueutna haneut-haneut saban dinten dugi ka damangna.

Ubar albuminuria

Jebulna panyawat albuminuria tiasa ku lantaran gangguan ginjal, hiperténsi, atanapi gagal jantung. Upami musababna hiperténsi, albuminuria tiasa dilandongan ku daun kumis ucing anu cara-carana sapertos ngalandongan hiperténsi. 

Ubar radang ginjal

60-120 gram daun kumis ucing anu seger digodog ku tilu gelas cai hérang dugi ka caina janten sagelas. Leueut sadinten tilu kali.

Ubar ateul akibat alergi

Satengah canggeum daun kumis ucing, daun sambiloto, daun meniran, dua ramo temulawak, digodog ku cai herang opat gelas dugi ka caina janten dua gelas. Ngaleueutna dua kali sadinten. [] ram

Tina sawatara sumber