Buruh ti Pangéran

Ilustrasi | fawzanaziz.wordpress.com

Aya hiji jalma tukang tutulung. Teuing geus sabaraha rébu jalma nu kungsi ditulungan ku manéhna. Saban nu ditulungan, sanggeusna sok méré duit atawa dahareun minangka mulang tarima. Tapi taya saurang gé nu ditarima, boh duit atawa dahareun.

“Kuring mah nulungan téh ihlas, teu ngarep-ngarep buruh ti papada jalma. Nu dipiharep ku kuring mah buruh ti Pangéran!” kitu jawaban éta jalma ka saban nu rék bara-béré. Nya, ku sabab nu rék méré teu weléh ditolak, éta si jalma tutulung téh hirupna teu menyat-menyat, malah beuki masakat. Manéhna tetep ngarep-ngarep buruh ti Pangeran, nu ceuk pamikir manéhna mah teu embol-embol! [] THFB